کمپاین ملی واکسیناسیون پولیو در ولایت سمنگان افتتاح شد

کمپاین ملی واکسیناسیون پولیو در ولایت سمنگان افتتاکمپاین ملی واکسیناسیون پولیو در ولایت سمنگان، با حضور داشت مسوولان صحی، نمایندگان ادارات دولتی و نهادهای ملی و بین‌المللی در تالار کنفرانس ریاست صحت عامه ولایت سمنگان افتتاح شد.

مولوی جان‌محمد، آمر کارکنان و نماینده مقام ولایت سمنگان، مولوی لطف‌الله حبیبی رئیس صحت عامه ولایت سمنگان، نمایندگان و رؤسای دفاتر MMRCA، UNICEF و سازمان صحی جهان شماری از مسوولان ادارات دولتی، کارمندان و کارکنان صحی ریاست صحت عامه و شفاخانه ولایتی، نمایندگان رسانه‌ها، بزرگان قومی و محاسن‌سفیدان اشتراک نموده بودند.

مولوی لطف‌الله حبیبی، رئیس صحت عامه ولایت سمنگان، ضمن تأکید بر اهمیت واکسیناسیون پولیو، گفت که تطبیق دو قطره واکسین پولیو به‌گونه معیاری و با کیفیت، در وقایه اطفال در برابر بیماری پولیو و جلوگیری از فلج اطفال نقش مهم دارد.

رئیس صحت عامه ولایت سمنگان از تمامی باشندگان سمنگان خواست تا با تیم‌های صحی همکاری همه‌جانبه نموده و با فراهم‌سازی زمینه دسترسی تیم‌های واکسیناسیون به اطفال، در موفقیت هرچه بهتر این کمپاین سهم بگیرند.

ریاست صحت عامه ولایت سمنگان از تمامی خانواده‌ها، بزرگان قومی، علمای دینی، محاسن‌سفیدان و سایر اقشار جامعه تقاضا نمود تا با تیم‌های واکسیناسیون همکاری نموده و در تطبیق موفقانه این کمپاین و تأمین صحت و سلامتی اطفال، نقش مؤثر ایفا نمایند.